د ریاست الوزرا اداري مرستیال مولوي عبدالسلام حنفي د فاریاب ولایت د ګرزیوان او بلچراغ سیمو له یو شمېر مخورو او سپین‌ږیرو سره د لیدنې پر مهال د یادو ولسوالیو ټولنیز، امنیتي او انکشافي وضعیت ته غوږ نیولی دی.

پل‌علم ښار کې د کانکرېټي دیوالونو او خنډونو د لرې کولو لړۍ د ښاري نظم او پراختیا کمېسیون له لوري په جدي ډول دوام لري.

د اسلامي امارت د مشرتابه د لارښونو له مخې، د ننګرهار والي محمد نعيم اخند او ورسره مل پلاوي د کونړ د وروستيو زلزلو له امله بې‌کوره شویو کورنیو د ځای پر ځای کولو لپاره په ګمبيري دښته کې ۱۰۰۰ جریبه دولتي ځمکه ځانګړې کړې ده.

د ریاست‌الوزرا اقتصادي مرستیال ملا عبدالغني برادر اخوند د روان ۱۴۰۴ لمریز کال د لړم میاشتې په ۱۴مه نېټه د سمنګان ولایت سفر وکړ او هلته یې د زلزلې له امله له زیانمنو شویو هېوادوالو سره د خواخوږۍ او مرستې په موخه لیدنه وکړه.

د خوست ولایت مطبوعاتي ادرس وایي چې په دې ولایت کې د ځایي چارواکو په منځګړتوب اتلس کلنه دوښمني حل و فصل شوې.

د کورنیو چارو وزارت د عامه اړیکو لوی ریاست په چوکاټ کې د خوست پولیس راډیو څانګې د پرانیستې په پار شانداره مراسم ترسره شول.

د کورنیو چارو وزارت د عامه اړیکو ریاست په چوکاټ کې د خوست پولیس راډیو د پرانیستې په پار شانداره مراسم ترسره شول.

د امربالمعروف وزارت د خبرپاڼې په حواله د روزګان ولایت امر بالمعروف ریاست مسؤلانو یوه ځوانه نجلۍ چې ترونو یې غوښتل د نوموړې له خوښې پرته یې د زیاتو پیسو په بدل کې اویا کلن سپین ږیري ته په غیر شرعي نکاح ورکړي، مخنیوی وکړ.

له لغمان ولایته پولیس راډیو ته په استول شوې خبرپاڼه کې راځي چې د دې ولایت د امربالمعروف، نهې عن المنکر او شکایتونو اورېدلو ریاست منسوبینو د خپل دیني، اخلاقي او ټولنیز مسئولیت په توګه د سیمې د قومي مخورو په منځګړیتوب د دوو کورنیو تر منځ د حقوقي مسائلو له امله راپورته شوې ۲۲ کلنه دښمني حل کړه.

د فراه د پېښو پر وړاندې د مبارزې او چمتوالي ریاست مسوولان وايي، د دغه ولایت په مرکز کې د ۶ کیلومتره په اوږدوالي د شمالي او جنوبي کانالونو پاکولو چارې پیل شوي، چې له دې جملې ۱.۵ کیلومتره يې بشپړې شوې دي.