ننګرهار کې د یوې ښځينه نرسې د قتل په تړاو دوه تنه نیول شوي
د ننګرهار امنیه قومندانۍ اړوند د اوومې حوزې امنیتي ځواکونو د یو روغتیايي مرکز له نرسې سره د رامنځته شوې وژنې په تړاو دوه تنه مظنون کسان نیولي دي.
وژل شوې مېرمن چې په یوه روغتیايي مرکز کې یې د نرسې دنده لرله، د کورني اختلاف له امله د خپل خاوند له خوا د قتل هدف ګرځېدلې وه.
یادې مېرمنې له خپل خاوند نه د طلاق غوښتنه لرله، خو هغه نه منله چې خاوند یې، شاوخوا یو لک افغانۍ او ۳۰۰۰ دالر یو کس ته ورکړې تر څو نوموړې ووژني.
د پېښې سره سم، امنیتي ځواکونه سمدستي ساحې ته رسېدلي، د پېښې د څرنګوالي په اړهیې پلټنې پيل کړي، او دوه کسانیې نیولي چې دا مهال تر څېړنو لاندې دي.
دا پېښه د عدلي او قضایي ارګانونو له لوري په جدي توګه تر څار لاندې ده،او عاملین به یې د قانون منګولو ته وسپارل شي.
