د هرات ولایت مسولین وايي چې په دې ولایت کې تازه لسګونه روږدي له درملنې وروسته خپلو کورنیو سره یوځای شوي.
هرات ولایت کې ١١٣ تنه روږدي له درملنې وروسته خپلو کورنیو ته وسپارل شول
د کورنیو چارو وزارت د نشه يي توکو پر وړاندې د مبارزې معینیت د هرات ولایت اړوند د نشه يي توکو پر وړاندې د مبارزې مدیریت مسؤلینو لخوا ١١٣ تنه روږدي چې مخکې د یاد ولایت له مختلفو سیمو څخه را ټول شوي وو له درې مياشتنۍ درملنې وروسته د ټاکل شوې کمیټې لخوا رخصت او خپلو کورنیو ته په سالمه توګه وسپارل شول.
