ملګرو ملتونو تازه ویلي چې د بودجې کمښت له کبله به په راتلونکو میاشتو کې په نهو هېوادونو کې د خپلو سوله ساتو ځواکونو شمېر ۲۵ سلنه راکم کړي.

د دې کمښت له مخې شاوخوا ۱۴ زره کسان له ماموریتونو لرې کېږي چې په دې شمېر کې پولیس او ملکي کارکوونکي شامل دي.

ملګري ملتونه وايي، چې دا پرېکړه د امریکا له‌خوا د بودجې د نه ورکړې او  مالي سرچینو د کموالي په نتیجه کې شوې ده.  دغه کمښت د هغو هېوادونو د سوله ساتو ماموریتونو پر فعالیتونو هم اغېز کولی شي او د نړیوال امنیت ساتنې لپاره د ننګونې په توګه ګڼل کېږي.