د راپورونو له مخې، د غزې په جګړه کې تر دې دمه نږدې ۶۵ زره فلسطینیان وژل شوي او شاوخوا ۱۶۵۳۰۰ نور ټپیان شوي دي.

د بلوچستان د شېراني ولسوالۍ په یوه سیمه کې وسله‌والو د پولیسو پر پوستې برید کړی. په پېښه کې یو پولیس وژل شوی او دوه نور ټپیان شوي.

روسیې د اوکراین په سوېل ختیځ کې پر زاپوریژیا ښار تازه هوایي او توغندیز بریدونه ترسره کړي دي. د اوکرایني چارواکو په وینا، په دغو بریدونو کې یو کس وژل شوی او ۱۸ تنه نور ټپیان شوي دي.

امریکا ولسمشر ډونالډ ټرمپ ویلي چې د وینزویلا په خاوره کې یې پر یوې کښتۍ برید کړی، چې د امریکا په لور یې نشه‌يي توکي انتقالول. نوموړي زیاته کړې چې که اړتیا وي، متحده ایالات به د نشه‌يي توکو د قاچاق پر وړاندې ځمکني عملیات هم کړي.

د کاناډا لومړي وزیر مارک کارني وايي چې هیواد یې پلان لري د سپتمبر په میاشت کې د ملګرو ملتونو په عمومي غونډه کې د فلسطین دولت په رسمیت د پیژندلو اقدام وکړي، خو دا پیژندنه د څو مشخصو شرایطو سره مشروطه ده.

د پکتیکا امنیې قومندانۍ د ترهګرۍ پر وړاندې د مبارزې مدیریت خبر ورکړی، چې د کشفي معلوماتو پر بنسټ یې په ښرنه ښار او اورګون ولسوالۍیو کې د درنو وسلو سلګونه مرمۍ ترلاسه کړې دي.

د ننګرهار امنیه قومندانۍ اړوند د درېیمې امنیتي حوزې ځواکونو په خپلو کشفي او امنیتي هڅو کې اته تنه هغه کسان نیولي...

فلسطیني چارواکي وایي، اسراییلي ځواکونو د غزې په ښار کې لږ تر لږه ۳۰ استوګنیزې ودانۍ ویجاړې کړې او زرګونه اوسېدونکي یې له خپلو کورونو د وتلو لپاره اړ کړي دي.

په لندن کې د «ټامي رابینسون» په مشرۍ د کډوالو ضد پراخ لاریونونه له پولیسو سره د شخړو سبب شوي، چې لږ تر لږه ۲۵ کسان پکې نیول شوي او ۲۶ پولیس ټپیان شوي دي، څلور یې د شدیدو ټپونو له امله روغتون ته وړل شوي.

د ملګرو ملتونو سرمنشي انتونیو ګوترېش د هایټي په یوه لرې پرتو سیمه کې د وسله‌والو له خوا د ۴۰ کسانو د وژنې او د کلي د سوځولو پېښه وغندله. هغه پر حکومت غږ کړی چې د دې بشري حقونو د سرغړونو عاملان عدالت ته راکاږي.