د روسیې د طبیعي سرچینو او چاپیریال‌ساتنې وزیر، الکساندر کوزلوف وایي چې د شمالي کوریا په ښوونځیو کې به له څلورم ټولګي څخه پورته د روسي ژبې تدریس پیل شي.

دا پریکړه، چې د دې ښوونیز کال په پیل کې به پلې شي، د دواړو هیوادونو د ښوونیزو اړیکو منعکس کوي، په داسې حال کې چې دوی له لویدیځ څخه ګډه انزوا لري.

د دواړو هېوادونو چارواکو دا ټینګار هم کړی چې دا بدلون به د دوی همکاري یوې نوې کچې ته ورسوي. د دوی په وینا، روسي ژبه له ډیرو کلونو راهیسې په شمالي کوریا کې د دریو خورا مشهورو بهرنیو ژبو څخه ده، چې شاوخوا ۶۰۰ زده‌کونکي یې د خپلې خوښې ژبې په توګه زده کوي.

بلخوا په روسیه کې له ۳۰۰۰ څخه ډیر زده‌کونکي کوریایي ژبه زده کوي، یوه ژبه چې ډیری وختونه د دوهمې یا دریمې بهرنۍ ژبې په توګه تدریس کیږي. په روسیه کې د کوریا پوهنتونونو ۳۰۰ محصلان هم زده کړې کوي.

دا اقدام د دوه‌اړخیزو اړیکو لپاره د پراختیا یوه برخه ده. 

روسیه د پیونګ یانګ په کیم چول-جو تدریسي پوهنتون کې د روسي ژبې د تدریس لپاره یو مرکز هم جوړوي. د بانکدارۍ، انرژۍ، طب او جیولوژي په برخو کې همکاري هم زیاته شوې ده.

د روسیې او شمالي کوریا ترمنځ اړیکې د تیر کال د دوه اړخیز دفاعي تړون او په کرسک کې د روسیې د جګړې په لومړۍ لیکو کې د زرګونو کوریایي سرتیرو د ځای پرځای کولو راهیسې ژورې شوې دي.