بلخ کې درې وسلهوال غله له امنیتي ځواکونو سره په مخامخ نښته کې وژل شوي دي.
د بلخ ولایت په چهاربولک ولسوالۍ کې امنیتي سرچینې وايي، چې تېره شپه درې تنه وسلهوال غله د مجاهدینو له خوا په مخامخ نښته کې وژل شوي .
د غلو یاده ډله د غلا په موخه یوه کور ته دننه شوي وو، چې د سیمې اوسېدونکي پر وخت له پېښې خبر شوي او امنیتي ځواکونو ته یې خبر ورکړی دی. د چارواکو په وینا؛ امنیتي مسولان ژر د پېښې ځای ته رسېدلي او تر لنډې نښتې وروسته درې تنه غله له منځه وړل شوي دي.
سرچینې زیاتوي؛ له دغې ډلې یو بل کس تښتېدلی چې د موندلو لپاره یې هڅې روانې دي.
د نښتې په پایله کې له وژل شویو کسانو دوه تومانچې، یو پشه ټوپک او یو موټرسایکل د امنیتي ځواکونو لاسته ورغلي دي.
