د روزګان ولایت د امنیې قوماندانۍ اړوند د لومړۍ او پنځمې امنیتي حوزې زړورو ځواکونو د مرکز ترینکوټ په مربوطاتو کې د کشفي معلوماتو پر اساس عملیات ترسره کړل چې په پایله کې یې د وسلو او مهماتو یوه مهمه زېرمه ترلاسه شوه.

د امنیې قوماندانۍ د معلوماتو له مخې، په دې عملیاتو کې لاندې توکي ترلاسه شوي دي:

• ۵ میله کلاشنکوفونه

• ۱ میل راکټ

• ۲ بې‌صدا توفنګچې

• ۲ مګاروف توفنګچې

• ۳ حلقې ورځني دروبینونه

• ۲ سټلایټ ټلیفونونه

• ۲ حلقې مخابرې

• ۱۲ عدده شاجورونه

• ۱۴ فیره د نارنجک مرمۍ

• ۲ عدده چانټې

• ۱ شرید بکسه

• ۱ لاس کمپیوټر

• ۵۰۰ فیره مختلف النوعه مرمۍ

• او ګڼ شمېر نور نظامي توکي

امنیتي ځواکونو په دې تړاو درې تنه نیولي دي چې تر پلټنو وروسته به عدلي او قضایي ارګانونو ته وسپارل شي.

د سرچینو په وینا، څه موده وړاندې هم امنیتي ځواکونو په مرکز ترینکوټ کې ورته عملیات ترسره کړي وو چې په پایله کې یې د وسلو او مهماتو یوه بله لویه محموله په لاس ورغلې وه.