د ننګرهار امنیه قومندانۍ اړوند د درېیمې امنیتي حوزې ځواکونو په خپلو کشفي او امنیتي هڅو کې اته تنه هغه کسان نیولي، چې جلال‌اباد ښار کې یې له خلکو نه د چاقو په زور موبایلونه، پیسې او نور قیمتي توکي غلا کول. نیول شوو کسانو د لومړنیو څېړنو پر مهال په خپلو جرمونو اعتراف کړی دی. له دوی سره یو شمېر غلا شوي توکي هم ترلاسه شوي، او د قضیې د بشپړې څېړنې وروسته به رسماً عدلي او قضایي ارګانونو ته وسپارل شي.