د ایرلېفت ټېکنالوژۍ شرکت ویبپاڼې لیکلي چې دوی یوه بې پیلوټه الوتکه و ازمویله او په دې تجربه کې الوتکې د شپږو زرو مترو په ارتفاع الوتنه وکړه او په بریالیتوب سره یې پنځلس کیلوګرامه بار انتقال کړ.

دغه شرکت زیاته کړې چې په ایوريسټ بېس کمپ کې تر ټولو د درانده بار انتقال و ازمویل شو، چې وزن یې ۳۲ کیلوګرامه و.

دا پروژه د خومبو پاسانګ لامهو په کلیوالي سیمه کې عملي کېږي چې د همالیا غره د لوړې څوکې موقعیت دی.

د چین د بې پیلوټه الوتکو شرکت ډي جې ای ویلي، چې دې ځای ته ختل خورا خطرناک کار دی.

اعلامیه کې دا هم ویل شوي، که څه هم د تیورۍ له مخې چورلکې دا کار کولای شي، خو له څرخکو څخه د خطر او ډېر مالي لګښت له امله لږ کار اخيستل کېږي.