د راپورونو له مخې، د غزې په جګړه کې تر دې دمه نږدې ۶۵ زره فلسطینیان وژل شوي او شاوخوا ۱۶۵۳۰۰ نور ټپیان شوي دي.

پاکستاني رسنۍ راپور ورکړی چې د پاکستان لومړی وزیر شهباز شریف به د سپټمبر پر ۲۵مه د ملګرو ملتونو د عمومي غونډې په څنډه کې د امریکا ولسمشر ډونالډ ټرمپ سره کتنه ولري...

د لوګزامبورګ لومړي وزیر لوک فریدن او د بهرنیو چارو وزیر خاویر بتل په پارلماني کمېسیون کې ویلي، چې هېواد یې په راتلونکي عمومي غونډه کې د ملګرو ملتونو په چوکاټ کې فلسطین د خپلواک هېواد په توګه په رسمیت پېژني.

د بلوچستان د شېراني ولسوالۍ په یوه سیمه کې وسله‌والو د پولیسو پر پوستې برید کړی. په پېښه کې یو پولیس وژل شوی او دوه نور ټپیان شوي.

د موټر جوړونې جاپاني نېسان کمپنۍ اعلان کړی چې په امریکا، برازیل، لندن او جاپان کې به خپل فعالیتونه کم کړي. د دې کمپنۍ په وینا، په امریکا کې د کلیفورنیا د ډیزاین مرکز او په برازیل کې به ځینې دفترونه وتړل شي او په لندن او جاپان کې به یې هم فعالیتونه محدود شي.

امریکا پخواني ولسمشر ډونالډ ټرمپ د نیویارک ټایمز ورځپاڼې او د هغې د څلورو خبریالانو پر وړاندې د افترا دعوا کړې ده. نوموړي د فلورېډا په یوه محکمه کې شکایت ثبت کړی او د ۱۵ میلیارده ډالرو د غرامت غوښتنه یې کړې ده.

روسیې د اوکراین په سوېل ختیځ کې پر زاپوریژیا ښار تازه هوایي او توغندیز بریدونه ترسره کړي دي. د اوکرایني چارواکو په وینا، په دغو بریدونو کې یو کس وژل شوی او ۱۸ تنه نور ټپیان شوي دي.

امریکا ولسمشر ډونالډ ټرمپ ویلي چې د وینزویلا په خاوره کې یې پر یوې کښتۍ برید کړی، چې د امریکا په لور یې نشه‌يي توکي انتقالول. نوموړي زیاته کړې چې که اړتیا وي، متحده ایالات به د نشه‌يي توکو د قاچاق پر وړاندې ځمکني عملیات هم کړي.

د کاناډا لومړي وزیر مارک کارني وايي چې هیواد یې پلان لري د سپتمبر په میاشت کې د ملګرو ملتونو په عمومي غونډه کې د فلسطین دولت په رسمیت د پیژندلو اقدام وکړي، خو دا پیژندنه د څو مشخصو شرایطو سره مشروطه ده.

د ډونالډ ټرمپ ادارې تازه اعلان کړی، چې په راتلونکي مالي کال کې یې په دغه هېواد کې د تور پوستو او قبایلي ښوونیزو مرکزونو او پوهنتونونو لپاره ۵۰۰ مېلیونه ډالره اضافي بودجه ځانګړې کړې ده.