د کرنې، اوبو لګولو او مالدارۍ وزارت؛ ټول هېواد کې د تېر په پرتله د اینځرو په حاصلاتو کې زیاتوالی راغلی دی.
د کرنې اوبو لګولو او مالدارۍ وزارات وايي چې په ټول هېواد کې د تېرو کلونو په پرتله د اینځرو په حاصلاتو کې ۳۵ سلنه ډېروالی راغلی.
د یاد وزارت د وېبپاڼې په استناد؛ سږکال له ټول هېواده ۱۵۱زره او ۷۵۴ مټریک ټنه اینځر ترلاسه شوي، په داسې حال کې چې تېر د تېر کال تولید ۱۱۱ زره او ۷۷۴ مټریک ټنه ښودل شوي وو، چې له دې مخې سږ کال په دې حاصلاتو کې ۳۹زره او ۹۸۰ مټریک ټنه ډېروالی ښيي.
د خبرپاڼې په حواله د یادې مېوې ډېره برخه حاصلات په کندهار، زابل، هرات، روزګان او هلمند ولایتونو کې ترلاسه شوې دي.
د یا وزارت کې وړاندې راځي چې “سږ کال، ۱۷ زره او ۵۰۷ هکتاره ځمکه د انځرو بڼونو پوښلې وه، چې له دغو بڼونو څخه ۱۵۱ زره او ۷۵۴ میټریک ټنه حاصل راټول شوي دي.“
د کرنې اوبو لګولو او مالدارۍ وزارت وايي چې په راتلونکي کې د هېواد په بېلابېلو ولایتونو کې د اینځرو معیاري بڼونو جوړولو ته تابیا لري، چې له مخې به یې په هېواد کې د وچې او تازه مېوې تولید کې زیاتولی راشي او ګڼو هېوادوالو ته به پکې د کار زمینه برابره شي.
