په میدان وردګو کې سرې میاشتې ټولنې ګڼو خلکو ته طبي خدمات وړاندې کړي.
د یاد ولایت د سرې میاشتې ټولنې رییس مولوي عتیق الله حماد ویلي، چې په تېره یوه میاشت کې دې ټولنې ۲۵۰۰ کسانو ته بېلابېل روغتیایي خدمات وړاندې کړي دي. دا په داسې حال کې ده، چې په لرې پرتو سیمو کې خلک زیاتو روغتیايي خدمتونو ته اړتیا لري. افغاني سره میاشت باید په دغه ولایت کې ګرځنده روغتیايي ټیمونه زیات کړي څو د ډېرو ناروغانو درملنه وکړي.
