د کندهار ځايي چارواکي وايي چې په تېرو دریو ورځو کې له پاکستان څخه د دغه ولایت د سپین بولدک له لارې ۳۲۲ کورنۍ هېوا ته راستنې شوې دي. د دغه ولایت د تخته پُل ولسوالۍ په انځرګي کمپ کې د راستنېدونکو د ثبت او تثبیت کمېټې مسوولینو باختر آژانس ته وویل، چي د تېري پنجشنبې ورځې راهیسې ۳۲۲ کورنۍ له پاکستان څخه هيواد ته راستنې شوې دي. ورته مهال د تخته پُل ولسوالۍ په انځرګي کمپ کې یو شمېر مېشت راستنو شويو باختر خبري آژانس سره په خبرو کې د اسلامي امارت له مسوولینو مننه وکړه، چي په یاد کمپ کې یې ورته د ژوند هر ډول اسانتیاوې برابرې کړې دي.