د پروان ولایت امنیه قومندان قاري محمد جاوید ضیاءالرحمن د سالنګ ولسوالۍ لپاره د اوروژنې  د نوې څانګې د جوړېدو په تړاو له مسؤلینو سره ځانګړې لیدنه وکړه.

په دې لیدنه کې د سالنګونو د ساتنې او څارنې رئیس مولوي فضل الربی او د امنیه قومندانۍ د تعمیراتو عمومي مدیر انجینر شفیع‌الرحمن (طلحه) هم ګډون کړی و. ګډونوالو د سالنګ ولسوالۍ اړوند سیمې له نږدې وکتلې او د نوې څانګې د جوړېدو پر اړتیا یې بحث وکړ.

امنیه قومندان وویل، د اوروژنې  څانګې پرانېستل به په سیمه کې د خوندیتوب د کچې په لوړولو، د ناورینونو پر مهال د بیړنیو خدمتونو وړاندې کولو او د خلکو د ژوند ژغورنې په برخه کې مهم ګام وي.