پکتیکا؛ امنیتي ځواکونو سلګونه مرمۍ کشف کړې.
د پکتیکا امنیې قومندانۍ د ترهګرۍ پر وړاندې د مبارزې مدیریت خبر ورکړی، چې د کشفي معلوماتو پر بنسټ یې په ښرنه ښار او اورګون ولسوالۍیو کې د درنو وسلو سلګونه مرمۍ ترلاسه کړې دي.
د چارواکو په وینا، په وروستیو عملیاتو کې د درېیمې امنیتي حوزې په سیمه کې ۳۰۰ د «پیکا» مرمۍ او څه موده وړاندې په اورګون ولسوالۍ کې ۱۱۰۰ د «پیکا» او ۱۰۰ د «M16» مرمۍ ضبط شوې دي.
یاد مهمات چې په غیرقانوني ډول ساتل کېدل، اوس د اړوندو ارګانونو تر واک لاندې دي، او چارواکي وايي د قانون ماتونکو پر ضد د ورته عملیاتو لړۍ روانه ده.
