په دره صوف کې د ډبروسکرو کان نړېدلی چې پکې اووه کارکونکي وژل شوي دي.
د سمنګانو ولایت ځایي چارواکي وايي، چې د «دره صوف پایین» ولسوالۍ په یوه د ډبرو سکرو کان کې د چاودنې له امله اووه تنه وژل شوي او دوه نور ټپیان شوي دي.
د سمنګانو د اطلاعاتو او فرهنګ ریاست ویاند، حشمتالله رحماني، نن چهارشنبه (د غويي ۳۱مه) ویلي، چې دا پېښه تېره شپه د «دره صوف پایین» ولسوالۍ د ګوله کلي اړوند سیمه کې شوې، چې پکې اووه تنو ژوند له لاسه ورکړی او دوه نور ټپیان شوي دي.
