د نیمروز ولایت د امنیې قوماندانۍ د جنايي جرمونو پر وړاندې د مبارزې مدیریت مشر ملا اختر محمد "عبدالله" وایي، چې د تېرو درې میاشتو په موده کې د زرنج ښار په ګډون، په ټول ولایت کې ۵۶۱ تنه د بېلابېلو جرمونو په تور نیول شوي دي.

د نوموړي د معلوماتو له مخې، نیول شويو کسانو پر بېلابېلو جنايي جرمونو تورن دي، چې شمېر یې په دې ډول دی:

• ۷۵ تنه د جعلي اسنادو جوړولو په تور

• ۱۴ تنه د څارویو د قاچاق په تور

• ۲۵ تنه د میسو د قاچاق په تور

• ۹ تنه د چاکلیټو د قاچاق په تور

• ۱۵ تنه د درملو د قاچاق په تور

• ۳ تنه د ویښتانو د قاچاق په تړاو

• ۲ تنه د جعلي پیسو د چلند په تور

• ۱ تن د مالګې د قاچاق په تور

• ۲۸۹ تنه د انسانانو د قاچاق په تور

• ۹۲ تنه د غلاوو په تور

• ۳۲ تنه د جنجال او عامه ګډوډۍ په تړاو

• ۶ تنه د قتل په تور

• ۴ تنه د نامشروع اړیکو په تور

ښاغلي عبدالله زیاتوي، چې د یادو کسانو د قضیو ابتدایي دوسیې بشپړې شوې او عدلي او قضايي ارګانونو ته سپارل شوې دي، څو د قانون له مخې پرې لازم اقدامات وشي.

نوموړی ټینګار کوي، چې د جنايي جرمونو پر وړاندې مبارزه جدي تعقیبوي او د قانون حاکمیت د تأمین لپاره له ټول ولس سره همغږي غواړي. نوموړی له خلکو غواړي، چې د شکمنو فعالیتونو په صورت کې، له امنیتي ارګانونو سره همکاري وکړي.