افغان کرکټ ملي لوبډلې په لومړي وار په نړۍوالو یو ورځنیو لوبو کې اووم مقام خپل کړی. له دې وړاندې کله افغان لوبډلې تر اووم مقامه د جدول سر ته نه وه راغلې. د افغانستان کرکټ بورډ په خپله رسمي فیسبوک پاڼه لیکلي چې د افغان کرکټ ملي لوبډلې د دې بریا راز په ۲۰۲۳ او ۲۰۲۴ نړۍوالو جامونو او اتلانو جام سیالیو کې ښې لاسته‌ راوړنې وې.

له دې وړاندې تر دا وروستیو هم افغان لوبډله د تېزو لوبو کولو ښه لوبډله بلل کېدله؛ خو په اوږدو( یو ورځنیو او پینځه ورځنیو) سیالیو کې پرې د کرکټ نړۍ دومره حساب نه کوو. تازه د کرکټ نړۍوالې شورا څرګنده کړې، چې افغان لوبډله نور له تېزو لوبو سربېره د اوږدو لوبو وړتیا هم پیدا کړې، هغه لوبډله چې د رامنځته کېدو یې لا پینځه ویشت کاله نه کېږي.