د کابل امنیه قومندانۍ وايي؛ د کابل ښار په شهرنو سیمه کې مو یورو پیسې موندلي، که یې څوک ځان څښتن بولي سمې نښې دې ووايي او خپلې پیسې دې واخلي.
د کابل امنیه قومندانۍ د ورکې د پیدا کېدو په یوه خبرتیا کې کابلمېشتو هېوادوالو ته خبر ورکړی، چې د کابل ښار په شهرنو سیمه کې یې یوه اندازه نغدې پېسې پيدا کړي. دوی وايي دا پيسې چې په کثافاتو کې موندل شوي، تر اوسه یې څښتن نهدی معلوم. د کابل امنیه قومندانۍ ویاند خالد ځدراڼ له هېوادوالو غوښتي چې د دې پیسو اصلي څښتن په موندنه کې دې له کابل امنیه قومندانۍ سره همکاري وکړی.
د ښاغلي ځدراڼ له قوله؛ دا پیسې له اتو تر دیارلسو زرو یورو (اروپايي پیسې) پورې ښودل شوي، چې په ۱۴۴۳/۱۲/۵ نېټه موندل شوې دي.
