د چین د بهرنیو چارو وزیر وانګ يي د دوشنبې په ورځ په بیجینګ کې د هند له بهرنیو چارو وزیر جېشنکر سره وکتل. د چین بهرنیو چارو وزیر وایي، چې باید د دغو دوو هېوادونو اړیکې ښه ګاونډیتوب، دوه اړخیز درناوي او ګډو ګټو ته لاره هواره کړي.

وانګ یي وویل، چې چین او هند لرغونی تمدن او ښه اقتصاد لري؛ نو باید د سولې، همغږۍ او ګډ پرمختګ لپاره هڅه وکړي.

وانګ یي زیاته کړه، باید دواړه اړخونه تر خپل منځ سیاسي باور نور هم پياوړی کړي، یو له بل سره همکاري وکړي او خپلمنځي اختلافات په مناسب ډول مدیریت کړي.

د هند بهرنیو چارو وزیر جېشنکر وویل:« موږ چین سیال نه؛ بلکې د خپل پرمختګ ملګری بولو.» هغه زیاته کړه، هند له چین سره اړیکو ته له اوږدمهاله زاویې ګوري او د ستراتیژیکې خپلواکۍ سیاست ته ژمن دی.