د نشهیي توکو پر وړاندې د مبارزې معینیت؛ شپږو ولایتونو کې ۴۴ تنه روږدي د درملنې لپاره راټول او صحي کمپونو ته انتقال شوي.
د کورنیو چارو وزارت د نشهیي توکو پر وړاندې د مبارزې معینیت پولیسو له خوا د هېواد په شپږو ولایتونو – بغلان، پروان، کاپیسا، میدان وردګ، کنړ او فراه کې ۴۴ تنه روږدي راټول شوي او د درملنې لپاره صحي کمپونو ته ورپیژندل شوي دي.
د وزارت د معلوماتو له مخې، د راټولو شویو کسانو جغرافیایي ویش په لاندې ډول دی:
-
بغلان: ۱۳ تنه
-
پروان: ۹ تنه
-
کاپیسا: ۷ تنه
-
میدان وردګ: ۴ تنه
-
کنړ: ۹ تنه
-
فراه: ۲ تنه
همدارنګه ویل شوي چې له پروان ولایت څخه ۷ تنه روږدي د پلازمېنې کابل د امید صحي کمپ ته انتقال شوي ترڅو په تخصصي توګه د درملنې لاندې راشي.
د کورنیو چارو وزارت د نشهیي توکو پر وړاندې د مبارزې معینیت ټینګار کوي چې د هېواد په کچه د روږد کسانو راټولول او د درملنې لپاره صحي کمپونو ته سپارل د خلکو د روغتیا او ټولنیز ثبات د خوندي کولو په برخه کې مهم ګام دی.
مسوولین زیاتوي چې دا پروسه به دوام ومومي او په راتلونکو میاشتو کې به نورې هڅې هم ترسره شي څو د نشهیي توکو اغېزمنه مبارزه او د روږدو کسانو د بیا ادغام زمینه برابره شي.
