د ننګرهار امنیه قوماندانۍ وایي؛ د روان ۱۴۰۴ هجري لمریز کال په تېرو دوو میاشتو کې د جنایي جرمونو پر ضد عملیاتو کې یې ۳۶۴ تنه نیولي دي.

د جنایي جرمونو پر وړاندې د مبارزې مدیریت د معلوماتو له مخې، په دې موده کې ۲۰۴ جنایي پېښې ثبت شوې دي، چې تورن کسان د پولیسو له خوا نیول شوي او عدلي ادارو ته سپارل شوي دي.

د نیول شویو کسانو له ډلې:

·        ۵۹ تنه د غلا په تور

·        ۹ تنه د فریب او کیسه‌بوري په تور

·        ۲۵ تنه د وهل‌و ټکولو او د کورنیو شکایتونو له امله

·        ۱۷ تنه د قتل یا د قتل هڅې په تړاو

·        ۱۰ تنه د انسانانو او اموالو د قاچاق په تور

·        ۳ تنه د فصلونو او ونو د پرې کولو

·        او یو شمېر نور د اختطاف، رشوت، او د عامه نظم د ګډوډۍ په تور نیول شوي دي.

پولیس زیاتوي، چې ۱۲۲ تنه نور هم د بېلابېلو نورو جرمونو له امله نیول شوي دي.

د ننګرهار امنیه قومانداني ډاډ ورکوي، چې د جرمونو پر وړاندې عملیات به لا هم پراخ شي، څو د قانون حاکمیت ټینګ او د خلکو امنیت خوندي وساتل شي.