ننګرهار د امنیې قومندانۍ رسنیز دفتر پوليس راډيو ته په استولې خبرپاڼې کې ویلي، چې د دغه ولایت په سره رود ولسوالۍ کې د یوې کورنۍ د شپږو غړو د وژنې په تور څو تنه شکمن کسان نیول شوي.
د خبرپاڼې له مخې، له نیول شویو کسانو څخه د پېښې په اړه لومړنۍ پلټنې شوي او د هغوی هویت به د یوې خبري ناستې له لارې په ډاګه شي.
سرچینه زیاتوي، چې د پېښې دوسیه د عدلي او قضایي ارګانونو تر څار لاندې ده او عاملین به یې د قانون تر چتر لاندې د خپلو اعمالو په سزا ورسېږي.