په نیمروز کې روږدی کسان د درملنې په موخه راټول شوي او په غزني کې ګڼ ځوانان چې روږدي وو، له درملنې وروسته خپلو کورونو ته ستانه شوي دي.
د کورنیو چارو وزارت د نشهيي توکو پر وړاندې د مبارزې معینیت د نیمروز د نشهيي توکو پر وړاندې د مبارزې مدیریت له خوا ۶۵ تنه روږدي د یاد ولایت له مختلفو سیمو را ټول او د درملنې په موخه روغتیايي کمپ ته معرفي شوي دي.
ورته مهال د غزني چارواکو پولیس راډيو ته په یوه خبرپانه کې ویلي، چې پرون په دې ولایت کې ۲۹ تنه روږدي له درملنې وروسته خپلو کورونو ته لېږل شوي دي.
یادو کسانو د یاد روغتيايي کمپ له پلان سره سم له ښې درملني او وخت تېرولو وروسته خپلو کورنیو ته وسپارل شول
