د خوست امنیه قومندانۍ مطبوعاتي دفتر وايي؛ د دې ولایت مرکز کې د اطفایې منسوبینو په دوو جلا سیمو کې اورلګیدنې مهار کړې دي.
د خوست امنیه قومندانۍ اړوند د اطفایې ویښو او بیدارو منسوبینو د اولې او دویمې حوزې په مربوطاتو کې رامنځته شوې اورلګیدنې چې یوه د استوګنې په کور او یوه په پلورنځي کې رامنځته شوې وه، مهار او شاوخوا د ۹ میلیونه افغانیو په ارزښت د مالي زیان اوښتو مخه یې نیولې ده.
د ویلو ده، چې په یادو اورلګیدنو کې د کور او دوکان مالکانو ته یو اندازه مالي زیان اوښتی او نور ځاني تلفات نه دي رامنځته شوي.
