د نشه يي توکو پر وړاندې د مبارزې معینیت؛ درېیو ولایتونو کې ۱۶ تنه روږدي د درملنې لپاره ولېږدول شول.
د کورنیو چارو وزارت د نشه يي توکو پر وړاندې د مبارزې معینیت پولیسو د هېواد په درې ولایتونو کې ۱۶ تنه روږدي راټول کړي دي.
د یاد وزارت د معلوماتو له مخې، له دغو کسانو څخه ۱۲ تنه په بلخ، دوه تنه په پروان او دوه تنه نور په غزني کې نیول شوي او وروسته د درملنې لپاره د اړوندو ولایتونو د غوښتنې د کموالي ریاستونو صحي کمپونو ته سپارل شوي دي.
چارواکي وايي، د روږدو کسانو راټولول او درملنه د نشه يي توکو د ناوړه استعمال د کچې د راکمولو په هدف ترسره کېږي او دا لړۍ به په راتلونکې کې هم دوام ولري.
