د تخار پولیس؛ په لویه کچه مو نشهيي توکي کشف او ضبط کړي دي.
دتخار ولايت امنيې قوماندانۍ د نشهيي توکو پروړاندي د مبارزې مديريت منسوبينو ٦٢٩٩ کيلوګرامه نشهيي توکي (تریاک ) چې په یوه خاص مهارت سره دمايع ګازو په يوه ټانکر کې ځاى پرځاى شوي وو؛ دتخار ولايت مرکز تالقانو په خطایان سيمه کې کشف او ترلاسه کړي دي. دغه موټر له بدخشان ولایت څخه تخار ولایت ته داخل شوی و، چې امنیتي ځواکونو موخې ته تر رسېدو وړاندې نیولی دی. د تخار پولیسو د قضيې په تړاو دوه تنه هم نیولي دي.
