غزه کې ۵ اسرائیلي عسکر وژل شوي
د غزې په شمال بیت حانون سیمه کې د سړک غاړې د ماین چاودنې له امله ۵ اسرائیلي عسکر وژل شوي او ۱۴ نور سخت ټپیان دي.
د اسرائیلي رسنیو د راپور له مخې، تېره شپه شاوخوا لس بجې دا چاودنه شوې، چې اسرائیلي عسکرو ته یې مرګژوبله اړولې ده.
ویل کېږي چې یاد اسرائیلي عسکر د غزې په شمال کې په ځمکنيو عملیاتو بوخت وو، چې د ماین چاودنه پرې وشوه.
د راپورونو له مخې، له چاودنې وروسته په اسرائیلي عسکرو برید هم شوی.
په ټپيانو کې د دوو حالت نازک ښودل شوی دی.
