د هرات د امنيې قومندانۍ د مطبوعاتو آمریت وايي چې د دې ولایت د امنیتي ځواکونو له لوري یوه وسلهوال غل له پېژندلو وروسته له منځه وړل شوی.
د هرات امنیتي ځواکونو هغه کس له منځه یووړ چې د غلا په تور شکمن و او څو ورځې وړاندې د امنیتي سرتېرو پر وړاندې په نښته کې ښکېل شوی و.
د خبرپاڼې له مخې، یاد کس د ښار په یوه عامه سیمه کې د خلکو لخوا وپیژندل شو، چې ورپسې امنیتي ځواکونه په بېړه ورسېدل او د هغه د نیولو هڅې یې پیل کړې.
سرچینې زیاتوي، څو ورځې وړاندې د همدې کس پر ضد د عملیاتو پر مهال د لسمې حوزې دوه تنه امنیتي سرتېري شهیدان شوي وو. له اوږدو هڅو وروسته د امنیتي ځواکونو د ځانګړو عملیاتو په پایله کې د نوموړي پټنځای وپیژندل شو او په هدفمند برید کې له منځه یووړل شو.
د هرات امنیې قوماندان حاجي یاسر ټینګار کړی چې د ښار د اوسېدونکو امنیت او د جرمونو مخنیوی یې لومړیتوب دی، او له قانون ماتونکو سره به جدي چلند روان وي.
