په ترکیه کې د امام اغلو د نیول کېدو پر وړاندې د اعتراضي لاریونونو څلورمه ورځ هم ترخه وه.
وروسته له هغې چې ترکیې دولت د استانبول لوی ښاروال اکرم امام اغلو د فساد او له ترورېستي ډلو سره د مرستو په تور ونیو؛ د ترکیې په استانبول کې پرون شنبه د څلورمې ورځې لپاره هم لاریونونو دوام کړی. ترکي پولیسو ځینې لاریونکونکې نیولي هم دي.
پرامام اغلو تورونه دي، چې له پيکیکی سره یې مرسته کړې او په فساد کې هم ښکېل دی. اکرم امام اغلو د ترکیې په اوسنی دولت کې د استانبول لوی ښاروال؛ خو په ورته مهال د ترکیې ولسمشر رجب طیب اردغان لوی مخالف هم دی.
