د مالیې وزارت د ګمرکونو لوی ریاست د ګرځنده څارنې کارکوونکو په تېرو دوو اوونیو کې د هرات، کندهار، نیمروز، فراه او هلمند ولایتونو په بېلابېلو سیمو کې د ګڼ شمېر قاچاقي توکو د انتقال مخه نیولې ده.

د چارواکو په وینا، قاچاقوونکو هڅه کوله چې دغه توکي له ګمرکي محصول پرته په غیرقانوني ډول هېواد ته راوړي.

په نیول شوو توکو کې:

• ۲۷,۹۷۶ کیلو ګرامه چاکلېټ

• ۷,۱۸۴ کیلو ګرامه انساني طبي درمل

• ۲,۵۵۲ کیلو ګرامه کرنیز درمل

• ۳,۱۱۹ کیلو ګرامه مالګه

• ۷۳۶ کیلو ګرامه پنیر

• ۲,۱۰۰ کیلو ګرامه هګۍ

• ۲۷۰ کیلو ګرامه تشې پلاستیکي قوطۍ

• ۹۶ کیلو ګرامه د چلم مېوه

• ۲۸۰ کیلو ګرامه پلاستیکي کڅوړې

• ۵۰۰ کیلو ګرامه اچار

• ۱۶۰ کیلو ګرامه نوې کالي

• ۵۶۵ کیلو ګرامه شامپو

• ۱۵۰ کیلو ګرامه لوبیا

• ۴۰۰ کیلو ګرامه د جوس پایپونه

• او ۷۰ کیلو رب شامل دي.

د ګمرکونو لوی ریاست وايي، نیول شوي توکي او تورن کسان د نورو اجراآتو لپاره اړوندو ګمرکونو ته سپارل شوي دي.

مسوولین ټینګار کوي چې د مالیې وزارت ګرځنده څارنې ډلې په ټول هېواد کې د قاچاق او ممنوعه توکو پر وړاندې فعالیت کوي او هېچا ته به اجازه ورنکړي چې غیرقانوني توکي انتقال کړي.