دایکندی کې د «پهلواني» یو نوی کلپ په رسمي توګه پرانیستل شو.
دې ولایت کې د رزمي ورزشونو ځانګړی کلپ د ښاغلي مهران حبیبي له لوري، چې فعال ورزشکار او د کلپ مالک دی، د دایکندی د بدني روزنې او ورزش آمریت په همغږۍ د زاړه بازار په سیمه کې په رسمي توګه پرانیستل شو.
یاد کلپ له عصري معیارونو سره سمبال شوی او د پرانیستنې په مراسمو کې یې د آمر ناصر حقیقت، د سپورتي فدراسیونونو استازو، استادانو، ورزشکارانو او د ورزش مینهوالو ګډون درلود. کلپ د «قهرمانان حبیبي» په نوم پرانیستل شو او رسمي فعالیت یې پیل کړ.
د دې کلپ موخه د رزمي ورزشونو د علمي او تخنیکي اصولو تدریس، د ورزش فرهنګ ته وده ورکول، د ځوانو استعدادونو روزنه، د پهلوانۍ او ورزش اخلاقو ترویج، د ورزش پراختیا او د ځوانانو د تمباکو او ټولنیزو زیانونو څخه ساتنه یاد شوې ده.
د دایکندی د بدني روزنې او ورزش آمریت مسؤلینو وویل، د دې ډول ورزشي مرکزونو پرانیستل د ځوانانو په سالمو فعالیتونو کې د ګډون هڅولو، د ورزش د کلتور وده، او د ټولنیزو ستونزو د مخنیوي لپاره مهم ګام بلل کېږي.
