هرات ښار کې د ۶۵ میلیونه افغانیو په لګښت تر ځمکې لاندې سړک جوړونې چارې پیل شوې.
هرات ښار کې د ترافیکي ګڼهګوڼې کمولو او ښاري ښکلا زیاتولو په موخه، هرات ښار کې تر ځمکې لاندې د یوه سړک د جوړولو چارې پیل شوې.
د جوړو شویو مراسمو پر مهال، د هرات والي شیخ مولانا نور احمد اسلامجار وویل چې دغه پروژه د ښار د اوسېدونکو د ستونزو کمولو لپاره پلې کېږي. د هرات ښاروالۍ ویاند محمد ناصر آرمل څرګنده کړه چې یاد سړک به د ښار دویمه او درېیمه ناحیه کې د ۶۶۰ مترو په اوږدوالي او ۸ مترو په سور جوړ شي، او د دې پروژې ټول لګښت ۶۵ میلیونه افغانۍ دی چې د ښاروالۍ له پراختیايي بودیجې تمویل کېږي.
د پروژې انجینر ډاډ ورکړی چې کارونه به د نړیوالو معیارونو مطابق او په ټاکلي څلور میاشتنۍ موده کې بشپړ شي. د هرات اوسېدونکو دغه پروژه هرکلی کړی او دا یې د ترافیک د کمېدو او د سړکونو د خوندیتوب په برخه کې مهم ګام بللی دی.
