مکرون؛ د ځمکنۍ بشپړتیا ساتل د هر هېواد لپاره له امنیتي تضمینونو سره تړلي دي
د فرانسې ولسمشر امانوېل مکرون ویلي، هېڅ هېواد حاضر نه دی د خپلې خاورې له لاسه ورکړي، پرته له دې چې د پاتې سیمو د خوندي کولو لپاره څرګند امنیتي تضمینونه ولري.
هغه په خپلو وروستیو څرګندونو کې ټینګار وکړ، که اروپا ځواک او پرېکړهلیک ونه لري، په راتلونکي کې به درنه بیه پرې کړي. مکرون زیاته کړه: «اروپا که غواړي خپلواک او ازاد پاتې شي، باید دومره پیاوړې وي چې نور یې له ځواک څخه ووېرېږي.»
د مکرون په وینا، د روسیې ولسمشر ولادیمیر پوتین د سولې په نیت نه دی، او هغه څه چې اوس روان دي، د اوکراین ترڅنګ د ټولې اروپا لپاره جدي اندېښنه ده.
نوموړي د اوکراین د ځمکنۍ بشپړتیا پر درناوي او د امنیتي ضمانتونو پر اړتیا ټینګار وکړ او ویې ویل: اوکراین باید د خپل راتلونکي په اړه د هر ډول خبرو اترو برخه وي. هغه د واشنګټن د ناستې وړاندې څرګنده کړه چې د روسیې پر وړاندې هر ډول کمزوري دریځ ښودل، د راتلونکو شخړو لپاره لاره هواروي.
