د هلمند د امنیې قومندانۍ  اړوند د ترهګرۍ پر وړاندې د مبارزې مدیریت مسؤلانو د دویمې امنیتي حوزې په سيمه کې څلور تنه له وسلو او نظامي تجهيزاتو سره نيولي دي.
د هلمند د پوليسو وياند ځلاند حقاني وايي؛ په دې عملياتو کې، ۲ کلاشينکوفونه، ۳ مکروف تومانچې، ۴ د تومانچو پوښونه، ۱۱ دانې د کلاشنکوف شاجورونه، ۶ دانې د تومانچې شاجورونه، ۲۰ دانې د پيکا شريدونه، يو زر و ۷۴۰ دانې بيلابيل ډوله مرمۍ، ۲۶ دانې لاسي مخابرې، ۲ لاسي بمونه او يو شمير نور نظامي تجهيزات کشف او نيول شوي دي.

همدا راز ددغو وسلو او نظامي تجهيزاتو په تور ۴ تنه تورن کسان هم نيول شوي چې د لومړنيو څېړنو وروسته به عدلي او قضايي ارګانونو ته وسپارل شي.