د کنړ ولايت مسؤلان وايي، چې د اوبو او انرژۍ وزارت له لوري دې ولايت کې د ۴۵ ميليونونو افغانيو په مالي لګښت ۱۵ پروژې پلي شوي دي.
د کنړ ولايت د والي وياند عبدالغني مصمم ددې ولايت د ابو او انرژۍ ریاست د ريس مولوي دوست محمد حنفي له قوله ويلي، چې تېر کال په دې ولايت کې ۱۵ پروژې پيل شوې وې، چې ۱۳ پروژې يې بشپړې او د دوو نورو چارې روانې دي.
همدا راز د يادو پروژو په پلي کېدو سره خلکو ته بيلابيلې اسانتياوې رامنځته شوي، چې د کار په جريان کې يې لسګونو کسانو ته د کار کولو زمينه هم برابره شوې ده.