د نشهيي توکو پر وړاندې د مبارزې معینیت؛ کابل کې یو کس له زرګونو نشهيي ګولیو سره ونیول شو.
د کورنیو چارو وزارت د نشهيي توکو پر وړاندې د مبارزې معینیت خبر ورکړی چې د ځانګړو قطعاتو اړوند ځواکونو د کابل ښار په نهمه ناحیه کې د ځانګړو کشفي عملیاتو پر مهال یو کس نیولی دی.
د وزارت په وینا، له نیول شوي کس سره ۵ زره او ۵۶۵ عدده زیکپ نشهيي ګولۍ ترلاسه شوې دي.
سرچینې زیاتوي، نیول شوی کس تر لومړنیو څېړنو وروسته د قانوني اجرأتو لپاره عدلي او قضایي ارګانونو ته سپارل کېږي.
