د ننګرهار امنیه قوماندانۍ د نشه يي توکو پر وړاندې د مبارزې مدیریت د جلال آباد ښار له بېلابېلو سیمو او ولسوالیو څخه په نشه يي توکو روږدي ۱۱۲ تنه راټول او د درملنې په موخه یې  کابل امید روغتون ته انتقال کړل.

دغه کسان به د روغتون د مسلکي ډاکټرانو تر څارنې لاندې تر هغې پاتې شي، څو روغتیايي وضعیت یې د ډاډ وړ وګرځي او خپل عادي ژوند ته ستانه شي.

د روږدو کسانو راټولول او د هغوی درملنه زموږ یوه مهمه انساني او ټولنیزه دنده ده. موږ هڅه کوو چې دغه کسان له کوڅو او ناسالم چاپېریالونو څخه لرې کړو، د روغتیايي پاملرنې زمینه ورته برابره کړو او د عادي ژوند د بیا پیل فرصت ورکړو.

د روږدو کسانو راټولول یوازې یوه موقتي هڅه نه ده، بلکې دا پروسه به د ټولنې د روغتیا، د کورنیو د هوساینې او د نشه يي توکو د ناوړه اغېزو د مخنیوي لپاره په دوامداره ډول پر مخ ولاړه وي.