سرچینې وايي، دا خبرې د ملګرو ملتونو د هغې سیاسي طرحې په چوکاټ کې روانې دي، چې موخه یې له نړۍوالې ټولنې سره د افغانستان یو ځای کول دي.

په دې طرحه کې درې اړین شرطونه د اسلامي امارت له لوري وړاندې شوي او همدا راز نړۍوالې ټولنې هم خپل درې شرطونه اېښي دي.

اسلامي  امارت له نړۍوالې ټولنې غوښتنه کړې، چې اسلامي نظام دې نړۍواله ټولنه په رسمیت وپېژني، بندیزونه دې لرې کړي او د افغانستان کنګل شوې شتمنۍ دې هم ازادې شي.

سرچینې وايي، د ملګرو ملتونو استازي غواړي، چې په تدریجي ډول په بېلابېلو پړاوونو کې له اسلامي امارت سره تعامل رامنځته کړي.