هند بهرنیومسافرو ته نوې تګلاره برابره کړې.
د هندي حکومت د نوي قانون له مخې، هغه خلک چې له نورو هېوادونو څخه هند ته سفر کوي، اړ دي چې پولو ته له رسېدو دمخه د ای-ارایول کارت په نوم انلاین فورمه ډکه او وسپاري.
نوي لارښوونې د سېلانیانو، سوداګرو، زدهکوونکو، د کنفرانس ګډونوالو او هغو کسانو لپاره دي، چې د طبي درملنې لپاره هند ته ځي. هندي چارواکي وایي، چې دا بدلون به دې هېواد ته د سفر پروسه اسانه کړي او په هوایي ډګرونو کې به د پاسپورټ کنټرول په دروازو کې د انتظار وخت کم کړي.
د اکتوبر له لومړۍ نیټې څخه، نړیوال مسافر باید له هند ته د ننوتلو دمخه ای-ارایول کارت آنلاین ډک کړي. مخکې، نړیوال مسافر باید د هند د ننوتلو پرمهال د کاغذ فورمه ډکه کړې وای، چې دا پروسه یا په الوتکه کې یا په هوایي ډګرونو کې ترسره کېده.
د هند د کډوالۍ څانګې ویلي، چې د پروسې ډیجیټل کول د پاسپورټ کنټرول ساده کولو او د مسافرینو لپاره د اسانتیاوو د زیاتولو په هدف دی. د هندي اتباعو لپاره دا فورمه ډکول اړتیا نلري.
