د پاکستان په لودران سیمه کې، چې د لاهور څخه شاوخوا ۴۰۰ کیلومتره لرې پرته ده، د عوام اېکسپریس مسافر وړونکی اورګاډی د تخنیکي ستونزې او د بریک د خرابوالي له امله له پټلۍ واوښت.

په پېښه کې یو مسافر خپل ژوند له لاسه ورکړی او ۳۳ تنه نور ټپیان شوي دي. د ژغورنې ډلې ټپیان نږدې روغتونونو ته لېږدولي دي.

د اورګاډي تګلاره تر پېښې وروسته لسو ساعتونو لپاره تړلې پاتې شوې، خو د اړوندو چارواکو په هڅو بېرته پرانیستل شوې ده.