د بهرنیو چارو وزارت سرپرست مولوي امیرخان متقي په افغانستان کې د ملګرو ملتونو د سرمنشي ځانګړې استازې او د یوناما له مشرې روزا اتونبایوا سره کتلي.

اغلې اتونبایوا د امنیت شورا ته د خپلې وروستۍ وینا، د یوناما د ماموریت د تمدید او په نیویارک او ویانا کې د خپلو ناستو په اړه معلومات ورکړي او همداراز د نشه یي توکو پر وړاندې مبارزې، خصوصي سکتور پیاوړتیا او د بانکدارۍ د ستونزو د حل په برخه کې د ملګرو ملتونو پر هڅو خبرې شوي.

ښاغلي متقي د افغانستان اسلامي امارت دریځ څرګند کړی او د اسلامي امارت د نظر په پام کې نیولو په صورت کې یې د همکارۍ ډاډ ورکړی دی