د سالنګونو لويه لاره د نقليه وسایطو پر مخ تړل شوې ده
د ټولګټو چارو وزارت ویاند محمد اشرف حقشناس پخپله ايکس پاڼه ليکي، چې د سالنګونو لویه لاره نن سهار وختي د زياتې واورې د اورښت، د لید ساحې د محدودیت او توپان له امله په موقتي ډول د ترافیکو پرمخ تړل شوې ده.
حق شناس زیاته کړې، چې د سالنګونو د ساتنې او څارنې ریاست ټول ټیمونه د لويې لارې د پاکولو هڅه کوي ترڅو ياده لاره د ترافیکو پرمخ بېرته خلاصه کړي.
