د خوست مرکزي دارالایتام مسؤلين وايي،  چې په ذکر شوي دارالايتام کې يې نېږدې ۷۰۰ یتيمو ماشومانو ته لومړني سهولتونه برابر او په خبره يې هڅه کوي،  چې د یتيمو ماشومانو ټولې ستونزو ته د حل ځواب ووايي.
په دغه دارالایتام  کې هغه ماشومان زده‌کړې کوي، چې د سر سیوري يې تېرې شل کلنې جګړې اخیستي. په دوی کې داسې ماشومان هم شته چې قرباني شوي  والدين يې نه دي ليدلي.
اوه کلن روح الله چې د صبريو اوسيدونکی دی وايي،  خپل پلار يې نه دی ليدلی او ارمان يې هم دا دی،  چې د نورو ماشومانو په څېر د پلار له مينې برخمن وای.

په دغه دارالایتام کې نېږدې ۷۰۰ يتیمو ماشومانو ته د ژوند تېرولو اسانتياوې برابرشوي. د ذکر شوي دارالایتام مسؤلين زیاتوي،  چې يتيمو ماشومانو ته يې د ديني زده‌کړو تر څنګ د عصري زده کړو زمينه هم برابره کړې.
يتيم ماشومان وايي، چې په دارالايتام کې ورته ټولې اسانتیاوې برابر شوې دي او د دوی پالنه ډېره سمه  کيږي. د یادولو ده چې دلته په دې دارالایتام کې مېشتو ماشومانو ته د صحت او ورزش برخو کې هم اسانتیاوې برابرې شوې دي.
تېرې څو لسیزې جګړې چې افغانستان يې ډګر ګرزيدلی و، د لکونه خلکو څخه د ژوند اخیستو تر څنګ يې عام افغانان معلول او ګڼ شمېر ماشومان يې بې سرپرسته کړه.