د روسیې کرملین خبر خپور کړی چې د برېکس غړو هېوادونو مشرانو د برازیل د ولسمشر لوییز ایناسیو لولا دا سلوا په نوښت ځانګړې انلاین غونډه وکړه، څو د امریکا د ولسمشر ډونالډ ټرمپ د سوداګریزو پالیسیو او د نړۍوال اقتصاد پر اوسني وضعیت بحث وکړي.

د ترکیې په استانبول ښار کې د پولیسو او د اپوزېشن د جمهوریت‌پال ګوند (CHP) د پلویانو ترمنځ اخ و ډب د دویمې پرله‌پسې ورځې لپاره هم روانې دي. دا کړکېچ وروسته له هغې رامنځته شو چې یوې محکمې د دغه ګوند د استانبول د څانګې مشر له دندې ګوښه کړ.

د چین ولسمشر شي جېن‌پېنګ د شمالي کوریا د بنسټ اېښودو د ۷۷مې کلیزې په مناسبت خپل پیغام کې د دواړو هېوادونو پر نږدې اړیکو ټینګار کړی او ویلي یې دي چې بیجینګ چمتو دی له پیونګ‌یانګ سره ستراتیژیکې اړیکې او همکاري لا پیاوړې او پراخه کړي.

د مکسیکو په مرکز کې د بار وړونکي اورګاډي او د مساپروړونکي بس د ټکر له کبله لس تنه مړه شوي او ۶۱ نور ټپیان دي.

د سریلانکا په ختیځو سیمو کې د یوه مسافروړونکي بس د سړک څخه وتلو او یوې کندې ته لوېدو له امله لږ تر لږه ۱۵ کسان مړه او ۱۶ نور ټپیان شوي دي.

د روسیې ولسمشر ولادیمیر پوتین ویلي، هر هغه بهرنی سرتېری چې اوکراین ته د جګړې په موخه ولېږل شي، د مسکو لپاره «مشروع هدف» ګڼل کېږي.

ټرمپ چې نیویارک ته له خپل وروستي سفره ستنېده، دا هم وویل چې ډېر ژر به له خپل روسي سیال ولادیمیر پوتین سره هم خبرې وکړي.

د پاکستان د پنجاب ایالت چارواکي وایي چې د چناب سیند د اوبو د زیاتوالي له امله د جلال‌پور پیرواله په سیمه کې یو بند درزونه کړي او له امله یې لسګونه کلي تر اوبو لاندې تللي دي.

د رویټرز خبري اژانس د راپور له مخې، نن سهار، سپټمبر ۷مه، ۲۰۲۵، روسیې د اوکراین پر پلازمېنه کییف د ډرونونو او توغندیو پراخه بریدونه کړي.

د پاکستان د قدرتي افتونو د مدیریت فدرالي ادارې خبر ورکړی چې په هېواد کې د سختو بارانونو، سېلابونو او ځمکښویدنو له امله ۹۰۷ کسان وژل شوي او شاوخوا ۱۰۴۴ نور ټپیان شوي دي.