په څېړنه کې راغلي، چې په دواړو جګړو کې د جګړې کرښې ناڅرګندې، موخې یې نامعلومې، هوايي ځواک یې بې اثره او د ځمکنیو ځواکونو لپاره یې فزیکي ستونزې زياتې وې.

د ایران د ولسمشر لومړي مرستیال ټینګار کړی،چې تهران په عزت او وقار خبرې اترې کول غواړي او د یورانیمو د غني کولو له پروګرام څخه نه تېرېږي. هغه د «صفر غني‌سازی» طرحه «یوه لویه ټوکه» وبلله.

د سرچینې په وینا، په دې سره په غزه کې د لوږې له امله د مړو شمېر د ۱۰۳ ماشومانو په ګډون ۲۲۷ ته ورسېد.

د اسراییلو لومړي وزیر بنیامین نتنیاهو ویلي، «د ایران خلک له ۴۶ کلونو راهیسې له لومړنیو انساني حقوقو محروم دي»

د محکمې د حکم له مخې؛ پخواني چارواکي له ۶ تر ۲۵ کلونو د بند په سزا محکوم شوي دي.

د راپورونو له مخې، د غزې جګړو له پیل راهیسې تر اوسه له ۲۳۰ څخه ډېر خبریالان وژل شوي دي. د فلسطین د خبریالانو اتحادیه دا ډول پېښې د رسنیو د غلي کولو یوه منظمه هڅه بللې ده.

پېښه هغه مهال شوې، چې رضا کاران په سیمه کې د سېلاب له کبله د زیانمن شوي کانال په بیارغونه بوخت وو. په پاکستان کې د وروستیو طبیعي پېښو له کبله خلکو ته د سر زیان ترڅنګ ګڼ مالي زیانونه هم اوښتي دي.

په اوکراین کې رسمي سرچینو تراوسه په دې تړاو څه نه‌دي ویلي.‎

د مادرید د کلتور او میراث د ساتنې چارواکو ویلي، د زیان کچه به په بشپړ ډول و ارزول شي او د ترمیم چارې به ژر پیل شي.

شنونکي وایي چې دا څرګندونې د اسرائیل د اوسني ائتلاف د داخلي اختلافونو څرګندونه کوي، په داسې حال کې چې د غزې جګړه لا هم روانه ده او نړیوال فشارونه د جګړې د پای ته رسېدو لپاره زیات شوي دي.