د کورنیو چارو وزارت د نشه‌يي توکو پر وړاندې د مبارزې معینیت وايي، د کابل ښار په بېلابېلو ناحیو کې د درېیو اونیو په عملیاتو کې ۲۸۸ کسان د نشه‌يي توکو د خرڅلاو، قاچاق او کارولو په تور نیول شوي دي.

د لوګر امنیه قوماندانۍ د لویې لارې کنډک امنیتي منسوبینو یو کس د مرکز اړوند شهرک سیمه کې نیولی چې غوښتل یې شاوخوا ۸۰۰ ګرامه چرس له ازرې ولسوالۍ مرکز پل علم ته انتقال کړي.

د هلمند ولایت امنیه قوماندانۍ وایي، د تېرو اوو ورځو په ترڅ کې د نشه يي توکو پر ضد د مبارزې مدیریت ځواکونو په لښکرګاه او یو شمېر ولسوالیو کې پراخ عملیات ترسره کړي، چې په پایله کې یې په زیاته اندازه نشه يي توکي او یوه د پروسس کارخانه کشف او نیول شوې ده.

دغه دریشۍ د افسرانو ،ساتنمنانو او ساتونکو لپاره ځانګړې شوې وې او د یو منظم پلان له مخې مسؤلینو ته وسپارل شوې.

د امریکا د شمالي کارولینا په یوه ساحلي سیمه کې له یوې کېښتۍ پر یوه شرابخونه ډزې شوې دي چې درې کسه یې پکې وژلي او نهه نور یې ټپيان کړي دي.

پنځو نورو ولایتونو بلخ، زابل، بامیان، فراه او غزني کې ۳۵ تنه روږدي راټول شوي دي. یاد کسان د درملنې لپاره د غوښتنې د کموالي ریاست اړوندو روغتیایي کمپونو ته لېږدول شوي دي.

د بغلان ولایت د امنیې قوماندانۍ د اطفائیې آمریت د راپور له مخې، د ۱۴۰۴ لمریز کال په لومړیو شپږو میاشتو کې په دې ولایت کې ۲۴ د اورلګېدو پېښې ثبت شوې دي.

د هند د بهرنیو چارو وزیر اېس‌جي شنکر د ملګرو ملتونو د عمومي اسمبلۍ په اتیا یمه غونډه کې پرته له دې چې د پاکستان نوم واخلي، ویلي دي چې د هند ګاونډی هېواد د نړۍوالو ترهګرو مرکز بلل کېږي او له څو لسیزو راهیسې له هغه ځایه ترهګریز بریدونه طرحه کېږي.

د سرپل ولایت د دویمې امنیتي حوزې اړوند چرم ګرخانه سیمه کې تېره شپه شاوخوا ۱:۰۰ بجې د برېښا شارټۍ له امله په یوه استوګنیزي کې اور لګېدلی.

د کونړ په مرکز اسعداباد او ګڼو ولسوالیو کې د امنیتي ځواکونو په پلان شويو عملیاتو کې ۱۸ کسان د بېلابېلو جرمونو په تور نیول شوي دي.