د اوکراین جګړې پایته‌رسولو په تړاو د نړیوالو هڅو په دوام، د امریکا ولسمشر ډونالډ ټرمپ ویلي، چې د روسیې له ولسمشر ولادیمیر پوتین سره یې ټیلفوني خبرې کړې دي.

د اسراییلي پوځ ویاند ویلي، چې د دغه هېواد ځواکونو له مصر څخه د وسلو بار درې ډرون الوتکې (څرخکې) نیولې دي. د پوځ په وینا، په دغو ډرونونو کې د وسلو کارتنونه بار وو.

د افغان سولې لپاره د امریکا پخواني ځانګړي استازي زلمي خلیلزاد د پکتیکا ولایت پر ملکي وګړو د پاکستان وروستي هوايي بریدونه غندلي او ویلي یې دي چې اسلام‌اباد باید د سولې او ثبات پر وړاندې د تاوتریخوالي له تګلارې لاس واخلي.

سیاسي تحلیلګر ډاکټر محمد زلمی افغانیار وايي چې د پاکستان پوځي اردو، پرته له نړیوال ملاتړه په خپل ذات کې ظرفیت نه لري چې په افغانستان کې عملیات پیل کړي؛ هغه په دې اړه ویلي چې د دغو بریدونو په برخه کې د پنجاب ملاتړ له بهره و.

ځايي سرچینې وایي، د جمعې په شپه (د تلې ۲۵مه) د پاکستاني هوايي ځواکونو بریدونو د پکتیکا ولایت د ارګون او برمل په ولسوالیو کې د ملکي وګړو کورونه په نښه کړي دي.

د ایران د بهرنیو چارو وزیر عباس عراقچي د یکشنبې په ورځ (د تلې ۲۰مه) اعلان وکړ، چې ایران د شرم‌الشیخ سرمشریزې د بلنې هرکلی کوي، خو د دې هېواد ولسمشر مسعود پزشکیان او نوموړی له هغو مشرانو سره د لیدو اراده نه لري، چې د فلسطیني ولس پر وړاندې یې بریدونه کړي او لا هم ګواښونه کوي.

الجزیرې راپور ورکړی، چې د فلسطین نامتو خبریال صالح الجفراوي د غزې په صبرا سیمه کې د وسله‌والو په ډزو کې وژل شوی دی.

له سیمې د تازه راپورونو له مخې پاکستان یو ځل بیا د تورخم دروازه د دواړو خواوو پر مخ داسې مهال تړل کېږي چې تېر ماښام د اسلامي امارت ځواکونو پر کابل د برید په ځواب کې پر پاکستانیو پوله‌ساتو ملېشو د درنو او سپکو وسلو بریدونه وکړل او مرګ ژوبله یې ورته واړوله.

د اسلامي امارت د ملي دفاع وزارت د تازه څرګندونو له مخې، تېره شپه د افغان او پاکستاني ځواکونو ترمنځ د ډیورنډ کرښې په اوږدو کې پراخې نښتې شوي چې د څو ساعتونو لپاره یې دوام کړی. چارواکي وایي، دا عملیات د پاکستان له لوري د افغانستان د خاورې د تکراري سرغړونو او وروستي هوایي برید په ځواب کې ترسره شوي دي.

د افغانستان او پاکستان ترمنځ د فرضي کرښې پر اوږدو تازه سرحدي نښتې د سیمې او نړۍ پام ځان ته رااړولی دی. د راپورونو له مخې، تیره شپه افغان لوري د پاکستانیو پر پوستو درانه بریدونه کړي چې له امله یې پاکستاني لوري درانه ته تلفات اوښتي دي...