کابل ښاروالي وایي چې له بدخشان ولایت څخه یو واورین پړانګ د تخنیکي پړاوونو ترسره کولو او له مسلکي ارزونې وروسته، د خوندیتوب د ټولو تدابیرو په پام کې نیولو سره کابل ژوبڼ ته لېږدول شوی دی.

ایران له تېرې یوې لسیزې راهیسې د اوبو له سخت ناورین سره مخ دی. ایراني چارواکو خبرداری ورکړی، که وچکالي دوام وکړي نو پلازمېنه تهران چې تر ۱۰ مېلیونه ډېر خلک په‌کې مېشت دي؛ ښایي په نږدې راتلونکې کې د استوګنې نه وړ په ښار بدل شي.

د ملګرو ملتونو سرمنشي انتونیو ګوترېش ویلي، چې نږدې دوه میلیارده انسانان لا هم د څښاک پاکو اوبو له نشتوالي سره مخ دي او که د اقلیم بدلون دوام وکړي، دا بحران به د بشریت لپاره ستر ګواښ شي.

د ریاست‌الوزراء اقتصادي معاونیت وايي چې په افغانستان کې د سړو خونو د جوړولو پانګونکي به د پنځه کلونو لپاره له مالیې معاف وي.

د بنجشېر د کانونو او پټرولیم ریاست چارواکي وايي چې د تخنیکي سروې په پایله کې د دغه ولایت په ۱۹ سیمو کې لس ډول نوې معدني زېرمې او قیمتي ډبرې موندل شوې دي.

د لوګر ولایت د کانونو او پټرولیم ریاست وايي چې د مرکز پل علم په ګډون په ځينو ولسوالیو کې د قیمتي ډبرو ۳۵ نوي کانونه کشف شوي دي.

د افغانستان اسلامي امارت د اوبو او انرژۍ وزیر ملا عبداللطیف منصور د ترکمنستان د انرژۍ وزیر آننه ګیلدي سپروف، د ټاپ نړیوالې پروژې د رئیس مراد آرتیکوف او په کابل کې د ترکمنستان له سفیر خواجه عوضوف سره په کابل کې لیدلي.

د کرنې، اوبو لګولو او مالدارۍ وزیر مولوي عطاءالله عمري په مشرۍ د لوړپوړي دولتي پلاوي په ګډون، پکتیا ولایت کې د سوېل ختیځ زون په کچه د ځنګلونو د ساتنې او د شنو ونو وهلو د مخنیوي لپاره پراخه ولسي غونډه جوړه شوه.

د اروپایي ټولنې دفتر ویلي چې د افغانستان د اوبو سرچینې بې‌ساري کمې شوې دي او دا حالت په ځانګړې توګه د کابل د اوسېدونکو پر ژوند دروند فشار اچوي. د دې بنسټ په وینا، د اوبو کموالی یوازې د څښاک موضوع نه ده، بلکې له خوراکي خوندیتوب نیولې تر عامې روغتیا او د خلکو پر ورځني ژوند مستقیم اغېز کوي.

د ننګرهار ولایت د امنیه قومندانۍ اړوند امنیتي ځواکونو د مومندرې ولسوالۍ د باسول کلي درې تنه د ځنګلونو د ناقانونه پرېکولو په تور نیولي دي.