د کندهار ولایت وياند مولوي عزام وايي، ددې ولايت د کلیو د بیارغونې او پراختیا ریاست له لوري د ژیړۍ ولسوالۍ په نهرکاریز حسن زی کلي کې د (۵،۲) میلیونه افغانیو په لګښت د اوبو رسولو یوې سولري شبکې د جوړولو چارې پیل شوې. نوموړی وايي دغه شبکه کې د (۲۰۰) مترو په ژوروالي د یوې څاه کیندل، د (۳۰) متر مکعب په وړتیا د پاکو اوبو یوې ارتفاعي ذخیرې جوړول، د (۴۶۰۰) مترو په اوږدوالي پایپ غځول، د (۲۰) سولري تختو او (۹۳) شیردهنونو نښلول شامل دي چې ۲۰۲ کورنۍ به د څښاک له پاکو اوبو څخه برخمنې شي.

د مهترلام ښاروالۍ وياند لعل آغا ابراهيمي وايي،چې ددې ښاروالۍ له داخلي بودجې څخه په درېیو ربعو کې د ۶۰ میلیونه افغانیو په ارزښت ۱۴ د بیارغونې پروژې د مهترلام ښار په بېلابیلو سيمو کې پلي شوي دي. همدارنګه په یادو پروژو کې سړکونه، پلچکونه، استنادي دیوالونه، د اوبو ژورې څاه ګانې، فلزي کثافت دانۍ،د ګلانو او بوټو د ښې ساتنې لپاره کټارې او برېښنايي تنویري پايي جوړول شامل دي.

د بغلان ولایت د مقام وياند وايي په بنو ولسوالۍ کې د یوه پانګه وال محمد جابر له لوري د ۲۷ زره امریکايي ډالرو په لګښت د میوو د ساتنې لپاره یوه سړه خونه جوړه شوه. سرچينه وايي دغه سړه خونه د تازه میوو دساتنې او د خوساکیدو څخه د مخنیوي په پار جوړه شوې ده.

د لغمان ولايت وياند عبدالمالک نيازی وايي، ددې ولايت د کډوالو چارو ریاست په هڅو نن یکشنبه په لغمان کې ۸۰۵ کډوالو او بې وزله کورنیو سره نغدي مرستې، د مرستیال والي مولوي اخترمحمد مزمل په شتون کې ترسره شوې. نيازي زياته کړې چې په يادو مرستو کې هرې کورنۍ ته ۲۱ زره ۴ سوه او ۴۰ افغانۍ، د AHF موسسې په مالي ملاتړ د اکټیډ تطبیق کوونکې موسسې لخوا د قرغیو او الینګار ولسوالۍ اوسېدونکو ته وويشل وشوې. بايد وويل شي چې یادې نغدي مرستې ټولې ۲۴ میلیونه افغانۍ کېږي، چې د کورونو د بیا ځلي جوړولو او د کورونو د کرایې لپاره د دوه میاشتو لپاره ورکول کېږي.

‏د خوست ولایت وياند مستغفر ګربز وايي چې ددې ولايت د مرکز اړوند په میاخیلو کلي د یو.ان.ډي.پي په مالي ملاتړ، د ۵۰ زره ډالرو په لګښت د ۴۴۰ مترو په اوږدوالي یو کانال جوړ او ګټې اخیستنې ته وسپارل شو. ګربز وايي، چې ياد کانال ۳۱ هکتاره کرنیزه ځمکه خړوبوي.

د فراه ولايت وياند وايې؛ چې د دغه ولایت د ګلستان ولسوالۍ په لرتي کلې کې د کليو بيارغونې او پراختيا رياست له لوري،د (UNHCR) مؤسسې په مالي ملاتړ، د ۹ میلیونه او ۸۰۰ زره افغانیو په ارزښت د څښاک پاکو اوبو رسولو د یوې شبکې رغنيزې چارې پیل شوې. سرچينه وايي، دغه ذخیره د ۸۰ متره مکعبه اوبو د ذخيرې وړتيا لري، چې د لمريزې بریښنا د ۲۷ تختو سولرو په نښلولو او ٧ زره مترو پایپ په غځولو سره د ۴ میاشتو په موده کې جوړېږي. هېره دې نه وي د دغې شبکې په بشپړیدو سره به د لرتي کلي ۴۱۴ کورنۍ د څښاک له پاکو اوبو څخه برخمنې او د رغنيزو چارو په بهير کې به يې لسګونو تنو کاریګرو ته د کار زمینه هم برابره شي.

د هلمند ولايت ا.ق وياند ملا عزت اللّٰه حقاني وايي چې د ياد ولايت د والي الحاج مولوي عبدالرحمن مسلم کندزي،د کورنيو چارو وزارت د امنيتي چارو ستر معينيت مرستيال الحاج مولوي عطاء اللّٰه انوري،امنيه قومندان او يو شمېر نورو چارواکو په حضور کې يې د بنسټ ډبره کيښودل شوه. حقاني وايي چې د يادې ودانۍ چارې د کورنيو چارو وزارت له لوري په ۷۵ ميليونه او ۶۰۰ زره افغانيو په مالي لګښت،د الکوزي ساختماني شرکت له لوري به یې چارې د ۱۵ مياشتو په موده کې بشپړې شي.

د ا.ا.ا وياند ښاغلي مولوي ذبيح الله مجاهد پخپله ايکس ټولينيزه پاڼه ليکلي چې په کابل کې نوی خیرخواه مارکېټ د څه باندې ۳۳ ميليونه امريکايي ډالرو په پانګونې سره د دولتي او خصوصي مشارکت له لارې جوړ شوی دی. ښاغلي مجاهد زياته کړې چې دا د هېواد په سطحه یو له سترو او پرمختلليو تجارتي مراکزو څخه دی، چې د اسلامي امارت د راتګ څخه را وروسته يې د جوړيدو چارې پيل او دادی اوس ګټې اخیستنې ته وسپارل شو.

د خوست ولايت وياند مستغفر ګربز وايي،د کلیو د بیارغونې او پراختیا ریاست په همغږۍ، د نړیوال خوراکي پروګرام (WFP) په مالي مرسته او د (GAALO) مؤسسې په تخنیکي همکارۍ سره، د خوست ولایت اړوند په صبریو ولسوالۍ کې د ۹۸۲ اړمنو کورنیو سره د ۶ قلمه بېلابېلو خوراکي توکو مرسته ترسره شوه.

په څو شېبو کې به د نيمروز ولايت په چهار برجک ولسوالۍ کې د کمال خان بند پروژه ګټې اخېستنې ته وسپارل شي. ځايي مسؤلان وايي، په څو شېبو کې به د نيمروز چهار برجک ولسوالۍ کې د کمال خان بند پروژه ګټې اخېستنې ته وسپارل شي. د معلوماتو پر اساس دا پروژه به د يو لړ ځانګړو مراسمو په ترڅ کې د اسلامي امارت د يو شمېر لوړ پوړو چارواکو په شتون کې ګټې اخيستنې ته وسپارل شي.